Egueneko bileraren arrakasta bermatzeko, proposamen zehatzen berri emango dute. Hasteko, irabazi asmorik gabeko elkarte moduan osatzeko urratsak zehaztu behar dituzte, beti ere Aramaio Basarri Barri fundazioaren barruan dagoen taldea dela aintzat hartuz.
Finantziaziorako, bazkidetza
Bazkidetza bidez finantzatzea da asmoa: "Bazkideek ekonomatoko produktuak kontsumitzeko eskubidea izango dute, baita ekonomatoaren inguruko erabaki guztietan parte hartzeko ere. Eta euren betebeharra izango da, aldi berean, ekonomatoa aurrera eramateko egin behar diren lanetan parte hartzea: txandak, garbiketa...", diote. Urteko kuota 15 euro izatea aurreikusten dute eta sarrera kuota beharrezkoa izango den aztertzeke dute oraindik. Horiek eta beste hainbat kontu eztabaidatuko dituzte eguenean.