"Ikasle talde bakoitzarekin komikiaren osagai nagusiak errepasatu ditugu. Gero, proposatu diogu komikia euskaraz egitea, Euskararen Eguna gai moduan hartuta. Ikasle bakoitzak komiki tira bat egiten du eta baita pertsonaia bat sortu ere. Sekulako gogoa jartzen dute eta oso gustura ikusten zaie", adierazi du Aspiazuk.
Bihar, Marikalanbre
Euskararen Eguna dela-eta antolatutako ekintzak ez dira gaur bukatu. Bihar, Irrien Laguneko kide den Marikalanbreren bisita izango dute goizean 3 eta 7 urte arteko ikasleek, Udal liburutegian.