Azaldu digunez, bideoaren aurretik 20 minutu inguruko "berbalditxoa" egingo du eta gero dokumentala jarriko dute: "Amaieran beti egoten dira galderak eta horiek erantzuten beste tartetxo bat egingo dugu", dio. Era berean, gaineratu du "oso pozik" dagoela Aramaiora lehenengoz etorriko delako.
Bazkide eta federatu kanpainak
Bestalde, iritsi da 2013ra begira mendian federatu edota elkartean bazkide egiteko unea. Abenduaren 10era bitartean bazkide eta federatu berriak egiteko aukera egongo da. Horrez gain, dagoeneko bazkide eta federatu direnek aldaketaren bat egin gura badute honako bi telefono zenbakietara deitu beharko dute: 635 008 857 (Mikel) eta 665 734 952 (Gillen).