"Produktua bi fasetan zabalduko dugu gure dendetan", adierazi du Beamontek: "Lehenengoan, Euskadiko dendetan leku berezia egingo diogu Gabonetako kanpainan, eta bigarren fasean, Estatuko beste 14 dendatara ere eramango dugu. Besteak beste Kantabriara, Kataluniara eta Gaztela-Leonera". Forumeko arduradunak azpimarratu du "zein egokiro uztartzen dituen sustapen honek gure negozioaren muina. Kirola eta ingurune natural zoragarri bat, kirola
egiteko lekurik aproposenetakoa".
Hitzarmena, "urrats garrantzitsua"
Lierni Altuna Zuiako Koadrilako presidenteak eta Txomin Ozerinjauregi 'Gorbeialde' Landa Garapenerako elkarteko presidenteak, era berean, hitzarmenaren garrantzia azpimarratu dute: "Urrats garrantzitsua da egungo eskaintza turistiko zabalaren barruan, Gorbeia Central Park erreferentziazko produktu bihur dadin".
Dendetan ikusgai
Hitzarmenaren ondorioz, aste honetatik aurrera eta abenduaren 15era arte, Gorbeia Central Park egun batez protagonista izango da Forumen denda hauetan: Laudio, Iruñea, Eibar, Urbil saltoki gunea, Gasteizko Boulevard saltoki gunea, Donostiako Garbera saltoki gunea, Bilbo (Campuzano plaza), Barakaldo (Megapark saltoki gunea) eta Leioa (Artea saltoki gunea).