Bittor Kortabarria abesbatzak presidenteak abestuko dituzten abestien berri eman digu; bederatzi kantu izango dira: Maitia nun zira (Jose Uruñuela), Elurra mara mara (herrikoia), Oi ama Euskalerria (Benito Lertxundi), Fedea eta itxaropena (Musika Dard Jamin-ena eta hitzak Antonin Lugniere-enak), Ruinas del monasterio (anonimoa), La Golondrina (Narciso Serradel), Rossinyol (herrikoia, Kataluniakoa), Carnavalito (Abalos anaiak) eta Zezili done zinan (Antton Errarte).
Santa Agedarako prestaketak
Bestalde, Kortabarriak aurreratu digu Santa Ageda egunerako prestaketekin hasita daudela. Bertso eskolako kideekin eta trikitilariekin bilerak egin dituzte dagoeneko eta euren erantzuna "oso ona" izan da, abesbatzako presidentearen arabera: "Azken urteetan galbidean zegoen Santa Agedako ospakizunari ukitu herrikoiago bat eman gura diogu". Otsailaren 2an irtengo dira kantuan eta entseguak noiz egingo dituzten zehaztu dute dagoeneko: urtarrilaren 8an, 22an eta 29an, Kultur etxean (19:00). Antolatzaileek herritarrei dei zabala egin die parte hartzeko.