Iaz indarkeria sexistaren aurkako aldarrikapenaren irudi den puntu morea jarri zuen Udal Gobernuak udaletxean eta herriko tabernari zein dendariei gonbidapena egin zien euren negozioetan ere ikurra jar zezaten.
Ekimen horrekin jarraituko dute eta aurten, gainera, gazteen inplikazioa ere bilatuko dute: "Gazteengana jo gura izan dugu eta eskatu diegu elkarretaratzean erakutsiko dugun pankarta eurak egin dezatela. Ederto erantzun dute", adierazi du Edurne Uribarren-Iturrieta zinegotziak.
Udalak dakiela, tratu txarrik ez
Domekako hitzorduaz gain, tratu txarrak hizpide dituen pelikula baten proiekzioa ere antolatu dute biharko. Hector Olivera zuzendariaren Antigua vida mia da filmaren izenburua; zapatuan izango da, Kultur etxean, 22:00etan.
Bestalde, Uribarren-Iturrietak aditzera eman duenez, Aramaion ez dute tratu txarrak eman diren kasurik ezagutu azkenaldian.
Hala ere, Udalak erabateko babesa emango die tratu txarrak salatzen dituzten emakumeei: "Gizarte langile bat dugu horretarako eta konpromisoa hartzen dugu kasua bideratzeko", dio.