Egubakoitzean motz geratu ziren, kalejiraren ostean, Trikitixa eskolakoek prestatutako zortzi kilo txorixo eta beste zortzi kilo buskantzekin egindako pintxoak. Batutako diruarekin, elkarteko kuota ez igotzea zuten helburu, besteak beste, kide berriak erakartzeko; horregatik, bada, pozik eta eskertuta daude, herritarrengandik jasotako laguntzagatik.
Trikitixa eskolako sariak
Txartelen zozketa ere egin zuten. Honakoak saritutako zenbakiak: Hondarribiko nekazal turismora joango dira 0505 zenbakidunak; urdaiazpikoa eskuratuko du, berriz, 0291 zenbakia duenak eta 1320. txartelaren jabearentzako izango da ostera, herriko Ibabe baserriko gazta, hain zuzen ere, aurtengo Gernikako Azokan laugarren saria lortu zuenaren "anaia", alegia. Irabazleek txartelean dagoen telefonora jo beharko dute saria eskuratzeko.