Urriaren hasieran erabaki zuen Eusko Jaurlaritzaren gobernu kontseiluak bere aintzatespenik garrantzitsuena Jose Antonio Ardanzari zuzendutakoa izatea aurten. Horrenbestez, Gernikako Arbolaren Gurutzea jasoko du lehendakari ohiak bihar, eguena, Gasteizen. Jarduneko Lehendakari Patxi Lopezen eskutik hartuko du Ardanzak oroigarri hori. Gasteizen egingo duten ekitaldian, gainera, arlo sozialean, ekonomikoan eta kulturalean egindakoa eskertuko diote Ardanzari. Eusko Jaurlaritzako jarduneko bozeramaile Idoia Mendiaren esanetan, "Euskadin gehieneko erantzukizuna bere gain hartu dutenek domina hau merezi dute, izan ere, ez dago lehendakari izatea baino zerbitzu handiagorik".
Frantziako Errepublikak Lagun Onari Aipamena jasoko du, "ETAren terrorismoaren aurkako borrokan emandako laguntzagatik".