Datorren urterako Udalaren egutegi ofiziala osatzeko argazki lehiaketa martxan da. Egutegi ofizialaz gain, aurkezten diren irudiak Udalaren argazki artxiboa osatzeko erabiliko dira. Argazki onenaren egileak 200 euro irabaziko ditu; hori izango da sari nagusia. Baina, urtero moduan, izango dira bestelako sariak. Adibidez, urtaro bakoitza ondoen islatzen duen argazkiaren egileek 100 euro jasoko dute. Gainera, 2013ko egutegi ofiziala osatzeko beste zazpi argazki aukeratuko ditu epaimahaiak eta horiei sari sinbolikoa emango diete.
Parte hartzaile bakoitzak gehienez hiru argazki aurkeztu ahal izango ditu. Argazkiak lehenago argitaratu gabeak izan behar dira eta aurten ez dira paperean aurkeztuko, hau da, CD baten aurkeztu beharko dira.
Gainera, argazkiak pertsonaren baten lehen planoak baldin badira, haren baimena ere aurkeztu beharko da. Lanak nola entregatu behar diren gainerako baldintzen berri izateko deitu udaletxera (945 44 50 16).
Lanak udaletxean edo Kultur etxean entregatu behar dira azaroaren 7a baino lehen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.