Itur Zuri elkartearen pintura lehiaketak, 21 urte

'Aramaio eta bere ingurua' gai hartuta Itur Zuri elkartearen pintura lehiaketa izango da hilaren 12an. Edonork har dezake parte eta 14:00ak arte entregatu ahalko dira lanak. Lehen hiruen artean 1.600 euro banatuko dira: lehenak 700 euro, bigarrenak 500 eta hirugarrenak 400. Herriko onenak 150 euro jasoko ditu. 16 urtetik beherakoendako ere ez da saririk faltako: hiru onenek 150 euroko balioa duen txartela jasoko dute pintura materialean erosteko. Margo lanekin erakusketa egingo dute urriaren 20ra arte.