Aramaio Basarri Barri fundaziorako Udalaren ordezkariak izendatuko dira gaurko osoko bilkuran

Ikasturte berriko lehen osoko bilkura egingo da gaur. Hainbat gai landuko dituzte eta horien artean Aramaio Basarri Barri fundaziorako Udaleko ordezkariak izendatuko dituzte. Horrez gain, Arabako Diputazioarekin Eguneko zentroaren kudeaketa eta mantenurako hitzarmena ere sinatuko dute. Gainera, urriaren 21eko Eusko Legebiltzarrerako hauteskundeetarako hauteskunde mahaietan egon beharreko herritarrak ere zehaztuko dira, zozketa bidez. Azkenik, Bildu udal taldeak mozioa aurkeztuko du gaixo dauden presoen eskubideen gainekoa.