Liztor inbaditzailea Aramaion

Arabako Foru aldundiak aditzera eman duenez, lurralde hartan ere agertu da liztor inbaditzailea edo asiarra deitzen den hori. Aramaiora heldu da, hain justu ere. Hantxe aurkitu dituzte hiru liztor eta Diputazioko teknikariek egiaztatu dute velutina arrazakoak direla, hau da, inbaditzaileak. Lehen ere aurkitu izan dituzte, hain justu, iazko udazkenean, Aramaion, Azkoaga auzoan. Eta, iaz, sasoi bertsuan, Arrasaten ere bai. Eguzki dorrearen ondoan agertu zen Asiako liztor inbaditzailearen habia bat. Suhiltzaileek kendu zuten arbola batetik.