Udaleko Kultura Sailaren eskutik, Aramaioko Papargorri abesbatzak kontzertua emango du gaur Sastiñan (19:30). Blanca Mendialdua arduradunak adierazi duenez, kantu herrikoietan oinarrituko da emanaldia: "Lekua ez da aproposena abesbatza batendako eta erabaki dugu gehienak kantu herrikoiak egitea". Haur, gazte zein helduek abestuko dute; kantu batzuk denok batera eta beste batzuk taldeka. Gehienez 20 kantu abestuko dituzte.
Gaur emango duten kontzertua dela-eta ohi baino lehenago hasi dute ikasturtea Papargorri abesbatzakoek. Irailaren 7an egin zuten lehen entsegua eta asteon beste hainbat prestaketa saio egingo dituzte egubakoitzean dena ondo irten dadin. Kantu herrikoiak izango dira kontzertuaren oinarria, baina bestelako abesti batzuk ere sartuko dituztela aurreratu du Mendialduak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.