Igogailua egokitzeko obrak direla-eta sarrerako atea aldatu dute eta orain Lehen Hezkuntzako zein Haur Hezkuntzako ikasleak ate beretik sartzen dira. Hala, Arrondok adierazi du ikasleei harrera behean, aterpean, egiten dietela eta adinen arabera banatu ostean egiten dutela ikasgelarako bidea.
Joan den egubakoitzean, irailak 7, hasi zuten ikasturte berria San Martin eskolan. Pozik dago Nekane Arrondo zuzendaria: "Taldea ondo osatu dugu hasieratik eta igogailuaren obrek espero baino eragozpen gutxiago sortu dizkigute; pozik gaude". 140 ikaslek hasi dute ikasturte berria eta beraz, ez da aldaketa handirik eman ikasle kopuruan. Ikasle horien guztien arduradun lanetan arituko dira 18 irakasle. Hamar gela dira guztira: Haur Hezkuntzan lau eta Lehen Hezkuntzan sei. Igogailuko obrak Gabonetarako amaitzea espero dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak