Brontzezko domina lortu du Londreseko Joko Olinpikoetan, borroka librean, Maider Unda aramaioarrak. Hiru lehia irabazi behar izan ditu domina lortzeko. 72 kilokoen artean lehiatu da Oletakoa. Vasilisa Marzalyuk bieloerrusiarrari irabazi dio.
Finalerdietan, Zlateva Hristova hungariarraren aurka galdu du. 2011ko munduko txapelduna da eta zilarrezkoa lortu zuen Pekingo 2008ko Olinpiadetan.
Horren aurretik, beste bi lehiakide garaitu ditu Maider Undak: Burmaa Ochirbat mongoliarra, final laurdenetan, 2-1, oso lehia estuan; eta, honen aurretik, atzean utzi du, 2-0 irabazita, aise, Ana Talia Betancur kolonbiarra.
Undak bosgarren egin zuen duela lau urte, Pekingo Joko Olinpikoetan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.