Ana Muñoa udalekuetako arduradunak azaldu duenez, honako ekintzak egingo dituzte besteak beste: Otxandioko igerilekuetara, Etxaguen auzoko errotara eta Aramaixo Basarri Barri fundazioaren Ikerketa eta Berrikuntzarako zentrora bisitak egingo dituzte; ogia eta gazta egiten ikasiko dute eta Pablo Beitiaren txanpon-bilduma ezagutuko dute. Eta noski, Aramaion bertan hainbat irteera egingo dituzte.
Bihar hasiko dira udaleku irekiak Aramaion eta uztailaren 17ra arte luzatuko dira. Aurten 115 haurrek hartuko dute parte eta ume aramaioarrekin batera Saharako bi ume eta Ukrainako bat ibiliko dira. Goizez hartuko dituzte herriko kaleak, 10:00etatik 13:00etara. 3 eta 12 urte arteko haurrak dira guztiak eta horien zaintza eta heziketaz 12 begirale arduratuko dira, aramaioarrak guztiak. Urtero moduan, denetariko ekintzak egingo dituzte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak