Ikerketa sakona egin ostean, Pablo Beitia aramaioarrak amaitu du Euskal Herriko serigrafia duten txanponen bilketa. Azken hamar urte hauetan kolekzionistentzako katalogoa egiten aritu da, baina guztira 20 urte eman ditu subasta ezberdinetako txanponak batzen.
‘Moneda de Euskal Herria’ izeneko liburuak, garai ezberdinetako txanponak batzen ditu, beraien argazki eta historiarekin batera, guztiak Euskal Herrikoak direlarik.
Bere helburua orain, katalogoa ahalik eta subastaetxe gehienetan zabaltzea da. Dagoeneko, Teresa Sisó izeneko Espainiako subastaetxeko zuzendaririk onenak badu katalogo honen kopia bat. Kataluniako zein Madrileko beste subastaetxe ospetsu batzuetara bere lana saltzea ere lortu du Pablok. Interes handia erakutsi dute erosleek gai honen inguruan, izan ere Euskal Herriko txanponak biltzen dituen lehenengo bilduma da.
Hala ere, Pablok burututako urteetako lan guztia amortizatzeko liburu asko saldu behar izango ditu.
