Askotariko ekintzak izango dira, arratsaldean hasita: haur zein gurasoendako tailerrak –sukaldaritza tailerra, kasu–, tirolina, partaide guztien artean gozatzeko jolasak, karaokea, afari-merienda, erromeria... Haurrendako ekintzak bereziki, baina familia giroan egun ederra pasatzea ahalbidetzen dutenak. Hala, antolatzaileek dei berezia egin diete herritar guztiei jaiarekin bat egin dezaten: "Edonor dago gonbidatuta, baina batez ere gurasoak, halako ekitaldietan gehiago kostatzen zaigu-eta parte hartzea. Ederto pasako dugu!".
Elkarlana eta harreman ona
Esandako moduan, guraso eta irakasleen elkarlanari esker antolatzen da jaia. Ajuriagerrak dioenez, guraso elkarteko kideen eta irakasleen arteko harremana "oso ona" da: "Oso giro polita dago", dio.
Bestalde, ekintza guztiak eskolako patioan egingo dira eta euria egiten badu bigarren aukera da ekintzok pilotalekuan egitea.
Biharko egitaraua
16:00 Ongi etorria.
16:00-17:30 Tailerrak: eguzki-loreak, zibak, aurpegi- margotzea, txalaparta, homa-irudia, sukaldaritza (gurasoendako) patata tortilla pikea...
17:30-18:00 Tirolina.
18:00-19:00 Jolasak: aulkiak, besarkada musika....
19:00 Karaokea.
20:30 Afari-merienda eta ondoren erromeria Al DJ-rekin.