Urtero moduan, egitarauan ez dago nobedade handirik: 12:30ean musikaz girotutako poteoa egingo dute eta 14:30ak aldera hasiko da herri bazkaria. Txartelak herriko tabernetan daude salgai, 12 eurotan. Etzi, hilak 23, izango da azken eguna txartelok erosteko.
Bost talde, guztiak arabarrak
Bazkalosteko animazioaren ostean, 20:00ak aldera hasiko dira kontzertuak. Bost talde guztira, arabarrak guztiak, eta Aramaioko bi talde: El exterminio de la raza del mono eta Gorroto. Gainerako hiru taldeak dira Eskean (Arratia), Zirkinik bez (Arratia) eta Astalapo (Izarra). Eskainiko duten doinuei dagokienez, punk rock doinuak izango dira nagusi.