Soluperen arabera, bilera ezberdinak egin dituzte auzo alkatearekin eta beste zenbait auzotarrekin egoera nola dagoen azaltzeko.
Maiatzaren 9a da dirulaguntza eskatzeko azken eguna eta Udalak dokumentazio guztia gertu duen arren, osoko bilkuran onartu beharra dago. Hala, datorren astelehenean, hilak 7, ez ohiko osoko bilkura deitu dute. Obren aurrekontua 365.659 eurokoa da eta Udalak espero du 2013an hasiko direla lanokin.
14 urte itxoiten
Luis Arana auzotarraren arabera, 14 urte daramate obrak noiz hasiko diren itxaroten: "14 urte dira errepidea Udalari utzi genionetik eta orduan esan ziguten errepidea konpontzearena euren ardura izango zela. Ordutik ez da ezertxo ere egin, ez dute segurtasun kontuengatik eskatutako bazter-babesa jarri ere".
Horrez gain, Aranak gaineratu du larrialdi kasuetan egoera oso zaila izaten dela: "Anbulantziek ez dute hona etortzerik nahi izaten eta behin, sute bat izan zenean, suhiltzaileek ezin izan zuten hemendik pasa errepidea oso estua delako. Errua aurreko udalbatzarena da, ez ziguten kasurik egin".