Lidergo ekintzailea eta berritzailea deritzon ikasketak egiten dabilen Edurne Kortabarria aramaioarra aritu zen antolatzaile lanetan, Andoni Ariño arrasatearrarekin batera. Ikasturteko helburua enpresa bat zerotik abiaraztea da eta jaialdia enpresa berri horrendako dirua lortzeko antolatu zuten. Gustuko musika da eurendako eta horregatik antolatu zuten.
"Antolakuntza lan handia"
Kortabarria pozik zegoen jaialdia orokorrean ondo irten zelako, baina antolakuntza lan handia izan zela adierazi digu: "Lan gehiegi dauka halako kontzertu bat antolatzeak. Zortzi talde izanda hilabete bat lehenago hasi behar da antolatzen, gutxienez. Jende asko egon zen eta kanpotik etorritako jendeak oso ondo pasa zuen. Euriak ez zion jendeari kontzertua ikusteko gogoa kendu".