Podiumeko hirugarren postuan bukatu arren, Maider Unda borrokalari oletarrak ezin izan du Olinpiar Jokoetarako sailkapena lortu, asteburuan Bulgariako aurreolinpikoan.
Lehiaketa Cinthya Vanessa Vescan frantziarrari irabaziz hasi zuen. Final laurdenetan, ordea, azkenean txapelketako garaile izan zen Jenny Franson suediarrak sailkapenerako bidea moztu zion.
Bigarren aukeran, lehenik Kristine Odrina-Urvova letoniarrari eta gero Dina Ivanova azerbayandarrari irabaziaz, brontzezko domina bereganatu zuen. Asteon izango du Jokoetarako txartela lortzeko beste aukera bat, Txinan.