Sartu gara udaberrian, eta hori Aramaioko Lehen Hezkuntzako zenbait ikaslerendako, abenturaren sinonimo da. Bertso abenturaren sinonimo; izan ere, aurten ere Sarrian bertsoa eta abentura izango dira protagonista. Aurten apirilaren 10ean, 11n eta 12an egingo da bertso barnetegia, Sarriako Goikuria aterpetxean. Dagoeneko izena emateko azken egunetan sartu gara; izan ere, astelehenera arte dago zabalik. Arabako Bertsozale Elkarteak eta Zuiako Koadrilako Euskara Zerbitzuak antolatzen dute, eta, beraz, Aramaioko Lehen Hezkuntzako haurrek ere izena eman dezakete, udaletxean.
Nola? Bada, izena emateko fitxa beteta, osasun txartelaren kopia eta 40 euroko ordainketa ziurtatzen duen bankuko egiaztagiria entregatuta (transferentzia egitean kontzeptu moduan haurraren izen-abizenak idatzi, honako kontu korronte zenbakian: 3035 0012 74 0120025862).
Euskara bultzatzea
Bertso barnetegiaren helburuak honakoak dira: euskararen erabilera bultzatzea oporraldia aprobetxatuz, bere erregistrorik ludikoena garatzea eta ondare kulturala sakonago ezagutzea.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.