Bat-bateko txapelketari dagokionez, Aramaioko Marixeka azken txanpan geratu da finaletik kanpo, atzo Aiaran Aguraingo Sorginetxe taldea zertxobait hobeto aritu zelako. Izan ere, Xabi Igoa Marixeka taldeko bertsolariaren arabera, "parekatua" izan zen final erdia: "Giro beroa egon da saio osoan zehar, umore onean joan da. Espero bezala, saio parekatua izan da. Lastima ez sailkatzea, baina Aramaioko ordezkaritza egongo denez, pozik gaude". Era berean, bertsolarien arteko giro onaren adierazle da agurra bi taldeek batera egin zutela: "Bi herri, bi kolore, izan arren ortzadarra gara, Araba gara. Halaxe amaitu dugu saioa", adierazi digu Igoak.
Aramaiok izango du ordezkaritza martxoaren 24an Aramaioko frontoian jokatuko den Arabako koadrila arteko bertso txapelketan. Izan ere, idatzizko modalitatean Ai ene taldea finalera sailkatu zen atzo, Aiaran jokatu zen bigarren finalerdian. Gasteizko Martin Ttipia taldearen aurka lehiatuko dira.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak