Bingo afaria, "derrigorrezkoa"
Ondoko egitarauan ikus daitezkeen ekintzen artean jendetsuena bingo afaria izaten da urtero: "Derrigorrez antolatu beharreko ekitaldia da. Adinekoak diren emakumeek urtero espero dute; aitzakia polita da kanpoan afaltzeko. Izan ere, afaria ez dute eurek prestatzen eta gainera, ondo pasatzen dute", dio Agirrek.
Aurtengo nobedade nagusia da domekan Donostian ospatuko den Lilaton lasterketan Aramaioko emakume talde batek parte hartu behar duela. Egun osorako irteera egingo dute.
Astea, 15 urtetan gutxienez
Itur-Zuri emakume elkartea duela 20 bat urte sortu zen. Bada, Emakume Asteak baditu gutxienez 15 urte: "Ez dut zehazki gogoratzen baina nahiko hasieran hasi ginen Martxoaren 8aren harira ekintza bereziak antolatzen". Agirrek 12 bat urte daramatza elkartean eta iazko zuzendaritza taldeak aukeratu zuen presidente.
Zuzendaritza taldea presidenteak, diruzainak eta idazkariak osatzen dute eta hiru urtean behin aldatzen da.
Emakume Asteko ekintzak
- Hilak 3, zapatua. 22:00 Kultur etxea. Oihulari Klown taldearen La modelo klowntrapublicitaria antzezlana, helduendako.
- Hilak 4, domeka. Egun osoan Donostia. Lilaton emakumeen lasterketan parte hartzea.
- Hilak 6, martitzena. 18:30 Sastiña. Manex Arriolabengoa eta Maria Izagaren kontzertu akustikoa eta luncha.
- Hilak 8, eguena. 18:30 Kultur etxea. Bideo kafea
- Hilak 9, egubakoitza. 21:00 San Martin eskolako jangela. Bingo afaria.