Mozioa aho batez onartu zen, Bildu eta Aramaioko Alkartasunaren aldeko botoekin. EAJko Iñaki Nafarrate ez zen egon. Bada, osokoa bertatik bertara jarraitzen Mendebaldeko Saharako zenbait herritar izan ziren. Mozioak aurrera egin ostean Eluali Dah Omar sahararrarekin egon ginen eta otsailaren 27ak eurendako zer suposatzen duen azaldu zigun: "Otsailaren 27a arrazaren eguna da, Saharako Errepublika Arabiar Demokratikoaren eguna.
Estatu sahararraren errekonozimendua eskatzeko eguna da, 35 urtetan zehar ez gaituztelako aintzat hartu. Ordutik Espainiako Gobernuak bakarrik utzi gaitu Marokoko Gobernuaren eskuetan". Bestalde, esker oneko hitzak izan zituen Aramaioko Udalarendako: "Asko eskertzen dugu Aramaiok gure herriarekin erakutsi duen elkartasuna. Kausa justu bati eman diote babesa, izan ere, kanpoko babesa beharrezkoa dugu".
Ramon Ajuria alkateak Mendebaldeko Sahararen aldarrikapenekin bat egiten dutela eta euren "babes osoa" dutela adierazi zien.