Urtarrilaren 27an hasi eta ikasturte amaierara arte Lagunarte dantza taldeko kideek euskal dantzen ikastaroa antolatu dute. Aurten hirugarrenez hasiko dira plazan mugitzeko dantzak erakustea helburu duen ekimenarekin. Euskal dantza ezagunenak, beraz. Hamar euro ordaindu beharko da ikasturte osorako izenematea.
Egubakoitzean bertan San Martin eskolako gimnasiora 18:15ean agertzea nahikoa da izena emateko. Baina beraunduago ere eman daiteke izena, Ainara Inuntziaga Lagunartean dantza taldeko kideak adierazi duenez: "Edozein egubakoitzetan agertzearekin nahikoa da, ez da zertan lehen egunean etorri behar. Batzuk, gainera, esan digute asteon ez direla etorriko". Antolatzaileek dei egin diete herritarrei ikastaroarekin bat egin dezaten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.