Aramaioko finalean, Ormazabalekin batera, Ekaitz Samaniego eta Ander Solozabal gasteiztarrak, Ane Labaka lasartearra, Izar Mendiguren laudioarra eta Manex Mantxola urretxuarra aritu ziren.
Saioa hasi baino lehen, afaria egin zuten Aramaioko Iturrieta sagardotegian eta, bertan, 70 bat pertsona izan ziren afaltzen. Afalostean, sabela ondo beteta –kantuan egiteko eskertzen dena–, bertso saioa hasi zuten. Ondoren, umorez betetako saioa eskaini zuten bertsolariek.
Etxeko ordezkariak, entzule
Egubakoitzeko finalean ez zen Aramaioko bertsolaririk izan. Txapelketan Xabi Igoa eta Paula Amilburu bertsolari aramaioarrek parte hartu zuten, baina bietako inork ez zuen lortu finalerako txartela.
Amilburuk azaroaren 11n Kanpezun (Araba) egin zen finalaurrekoan izan zen, baina Labakak eta Solozabalek lortu zituzten finalerako bi txartelak.
Igoak, berriz, azaroaren 18an Agurainen jokatu zuen finalaurrekoa, eta bertan, Mendigurek eta Mantxolak lortu zuten finalerako txartela. Txapelketatik kanpo egonda ere, bi bertsolariek finala jarraitu zuten.