Bulegoko ordutegia aldatu du Aramaioko Udalak, asteon hasita

Atzo, astelehena, jarri zuten indarrean ordutegi berria. Eguaztenean ezik, Aramaioko Udaleko bulegoak goizez bakarrik egongo dira zabalik, 09:00etatik 14:30era. Eguaztenean egun osoan zehar egongo dira zabalik, 09:00etatik 14:30era eta 16:30etik 18:30era. Bake epaitegia eta erregistro zibila, berriz, astelehenetan bakarrik egongo dira zabalik, 09:00etatik 14:30era. Udaleko iturriek adierazi dutenez, ordutegi aldaketa ez da behin betikoa eta herritarren eskaerei erantzungo diola uste dute. Aldatu beharko balitz inongo arazo barik aldatuko dutela jakinarazi dute.