Omenaldia ez da ordubetera heldu; Nikolas Gardoki omenduetako baten arabera, ez zen beharrezkoa: "Oso polita izan da ekitaldia, asko gustatu zait. Halakoetan, hobe laburra eta bizia izatea, luzea eta astuna baino".
Etxez etxeko bilketa egin duten Divina Arriolabengoa eta Arantza Ozaeta ere oso pozik zeuden omenaldiaren ostean. "Urduri nengoen omenaldira heldu aurretik baina etorri diren guztiak ikusi ditudanean asko lasaitu naiz. Dena ondo irten da", adieradi du Arriolabengoak. Ozaetak ere bat egin du proiektuan bidelagun izan duenarekin: "Eurak dira protagonistak eta omenaldia merezi zuten. Beharra ikusten genuen euren lana omentzeko, eta asetu dugu".
Zinema aretoko omenaldiaren ostean, omenduak eta euren familek, Divina Arriolabengoa eta Arantza Ozaetak, eta Udaleko ordezkariek luncha egin dute erretiratuen elkartean.