Lau hitzaldi edo mahai-inguru antolatu dituzte. Lehena dagoeneko joan den eguenean egin zen; emakumearen behar psikologikoen gainean jardun zuten. Bigarren saioa eguenean egingo da, urriak 27, eta emakumearen parte hartzea izango dute hizpide. Azkenik, datozen bi eguenetan beste bi saio egingo dira: lehenean, familia barruko hamaika kontu landuko dira eta bigarrenean, zahartzaroa.
Clown antzerkia
Ekimenarekin amaitzeko clown ikuskizun bat antolatu dute azaroaren 12rako (22:00): Molestias clownicas. Anbulatorioan txandaren zain dagoen Pauxa pailazoaren gorabeherak kontatzen ditu obrak. Proposamen entretenigarria da eta emakumeek osasunarekin duten harremana du ardatz. Ekintza guztiak Kultur etxean izango dira.