Aramaion izango da Bertxoko sariketaren finala, azaroaren 25ean

Arabako Bertsozale elkartearen eta Hala Bedi irratiaren eskutik, badator Bertxoko sariketa. Lehen kanporaketa azaroaren 3an izango da Gasteizko Errexala elkartean eta finala, berriz, Aramaioko Iturrieta sagardotegian. Aramaiok, nola ez, izango du ordezkaritza: Xabi Igoa eta Paula Amilburuk hartuko dute parte. Finalean ere Manex Agirre izango da gai jartzaile. Saio guztiak afalostean hasiko dira –afaria 20:30ean eta saioa 22:30ean– eta saioa baino bi egun lehenago eman behar da izena. Horretarako telefonoa: 675 707 971