Joan den urtean zaleek ezin izan zuten Angelak gidatutako Subaru WRCaz gozatu, salgai zutelako. Zapatuan, berriz, Aramaion korritutako estraineko lasterketan Vilariñok irabazi zuen.
Beteranotasun handiko beste pilotu batzuen aurretik. Hala, duela bi urte anaiarendako kopilotu lanetan ibili ostean, zapatuan, bolantea eskuan, Vilariño izan zen onena –Alazne Apalantza izan zuen ondoan.
Ibarrekoak, ondo
Etxeko pilotuen artean Aitor Arnaiz eta Joanes Uria (R5GT Turbo) , Gorka Idigoras eta Joseba Frutos (Opel Astra GSI), eta Inhar amenabar eta Agurtzane Zubieta (R5GT Turbo) izan ziren ordezkariak.
Lehenengo biek pozik amaitu zuten, ez horrenbeste Inharrek eta Agurtzanek, motorra apurtu zutelako: "Pena da, etxean korritzen dugunean indartsu ibiltzen garelako. Motorra apurtu aurretik 15.ak ginen sailkapenean".
Hain zuzen, astelehenean Harmailatik saioan tarte berezia eskainiko diote zapatuko lasterketari; ibarreko hainbat pilotu izango dira platoan, lasterketaren errepasoa egiteko.
Lehenengo hamar azkarrenak:
- Angela Vilariño. 15:59:30
- Joxe Labaka. 16:10:60
- Iker Gayoso. 16:12:90
- Rafa Ateka. 16:19:00
- Roland Holke. 16:20:00
- Txus Jaio. 16:26:20
- Gorka Antxustegi. 16:29:50
- Xabat Arrate. 17:11:90
- Andoni Blas. 17:19:10
- Ruben Lapuente. 17:22:50