Altunak gaineratu du erreklamazioak jartzeko udaletxeko ateak zabalik daudela herritar ororendako, edozein zalantza argitzeko. Otsailaren 16an egindako bilera irekian, herritarrek jasandako kalteengatik bakoitzak egin zezakeen erreklamazioei buruzko argibideak eman ziren.
Izan ere, Mercedes Zulaika abokatuak bilera hartan esan zuenez, erreklamazio eredu berbera bidaltzean balio sinbolikoetan jausiko dira ordainak: "Horregatik ezinbestekoa da erreklamazioa bakoitza bereiztea". Gero, Udalaren webgunean erreklamazioak egiteko irizpideak eta erreklamazio eredu bat jarri ziren –oraindik kontsulta daitezke–.
Erreklamazioak ADIFera eta Sustapen Ministeriora bidaltzea aholkatzen du Udalak.