Abuztuaren 28an San Adriango jaiak ospatu ziren. Bada, domeka honetan, irailak 4, Marixekan ospatuko dituzte jaiak. 09:00etan suziri jaurtiketarekin hasiko dira jaiak. 11:00etan salda, txorizoa eta tragoak egongo dira eta 12:00etan meza. Mezaren ostean erromeria izango da Joxe Gardokiren eskutik, bazkalordura arte. Elkarteko bazkarian 45 bat lagun batuko direla aurreikusten dute antolatzaileek. Egitarauarekin amaitzeko,, nola ez, Gorriti eta bere animaliak etorriko dira haur eta gaztetxoen gozamenerako.
Marixekako elkarte gastronomikoak antolatzen ditu jaiak eta elkarteko presidente Patxi Aiastuin arabera, "giro polita" egon ohi da: "Egia da azken urteetan jaiek apur bat behera egin dutela, lehen dantzariak-eta izaten ziren. Hala ere, urteroko hitzordua da aramaioar askorendako". Aramaioarrak dira jaietan parte hartzen duten gehienak –horietako asko Aramaion jaio arren kanpoan bizi direnak–, baina Legutio ingurutik ere gerturatzen da jendea.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.