Hilaren 4an hasi zituzten Murugainen indusketak, eta dagoeneko topatu dituzte lehen aztarnak: Burdin Aroko herrixka bateko harresiaren eta Espainiako gerrako trintxera baten aztarnak. Gainera, hainbat bala-zorro topatu dituzte, baina ez dute oraindik zehaztu ze garaikoak diren.
Basarri Barri (ABB) proiektuaren barruan sartuta dagoen Murugaingo indusketa proiektuan hilaren 29ra arte jardungo dute lanean, Aramaion. Proiektuaren helburua da Kristo aurreko lehenengo milurtekoan herrixka harresitu bat zegoela baieztatzea.
Aurrekontua
Lehen fase horren aurrekontua 45.202 euro da. Arabako Institutu Arkeologikoak 30.000 euro bideratuko ditu. Gainerakoa, Aramaioko Udalaren eta herrian martxan jarrritako hainbat ekimenen bidez lortzeko asmoa dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.