Aramaiok bertsolari harrobia duenik ez dago zalantzarik. Aramaiokoa da egungo Arabako txapeldun nagusia, Manex Agirre, hain zuzen. Egunen baten Agirreren lekukoa har dezaketenak ez dira falta herrian; Peru Abarrategi eta Paula Amilbururen kasua izan daiteke, zergatik ez. Izan ere, Abarrategi eta Amilburu Euskal Herriko bertsolarien txapelketako finalera sailkatu dira. Zapatuan jokatuko da, hllak 18, Aguraingo Harresi aretoan.
Bi modalitateetan –gaztetxoak eta helduak– proba ezberdinak gainditu beharko dituzte bertsolariek, adinaren arabera maila ez da bera-eta. Gaztetxoenen finalak 14 hautagai izango ditu eta helduenak, berriz, 11.