Adineko mahaia delakoak gidatuko du eraketa prozesua. Hau da, egun horretan Udalak bururik ez duenez, adina izango da prozesua gidatzeko irizpidea. Zinegotzi zaharrenak eta gazteenak hartuko dute ardura hori.
Bilduren gehiengo osoa
Eguneko lehen puntuan zinegotziak aukeratzen dira eta zin egin beharko dute, banan-banan. Bigarren puntuan, berriz, alkate berria aukeratuko da. Isilpeko bozketa bidez –zinegotzi bakoitzak balio bera duen boto bat– aukeratuko da alkatea. Lehen txanda horretan norbaitek gehiengo absolutua lortzen badu, hori izango da alkate. Eta Bilduk gehiengo osoa lortu zuenez, Ramon Ajuria alkate izendatzea izatea espero da. Ez da aurreikusten bigarren bozketa bat egin beharko denik. Ohikoena da alkate berriak hitz batzuk esatea, Aramaioko alkate moduan egingo dituen lehen adierazpenak, hain zuzen.