Azken urtean zuzendaritzan izan diren Olatz Altuna, Eskarne Ugarte eta David Jauregi beste urtebetez jarraituko dute eta beste hiru juntakideak bozketa bidez aukeratu ziren atzoko batzarrean, Txirritolak egun dituen 107 bazkideen artean. Horien oniritzia behar da orain datorren urtera arteko taldea osatzeko.
Atzo egin zen Txirritola euskara elkartearen urteroko batzar orokorra. Honako gaiak landu zituzten, besteak beste: 2010ekko eta aurten orain arte egin diren ekitaldien balorazioa, 2010eko balantzea eta zuzendaritza talde berria izendatu eta karguak berritzea. Batzarrera 14 lagun hurbildu ziren, horietako bat bazkide ez dena. Batzarraren amaieran Txirriolaren filosofiaz eta helburuez aritu ziren berbetan: gogoeten artean, honako galdera: euskara elkartearen jarduna nola egin daiteke eraginkorra herritarrei begira? Bestalde, bazkide batek honako gogoeta egin zuen: "Euskara elkarteak krisian daude, inguruko herrietarako begiratu besterik ez dago. Eta Txirritola, tamalez, ez da salbuespena".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak