Izena emateko haurraren datuak eraman behar dira, eta horrez gain, Aramaioko Udalak Euskadiko Kutxan edo Vital Kutxan duen kontu korrontean 36 euro sartu izanaren ordainagiria aurkeztu behar da.
Begiraleendako formazioa
Ez da udalekurik begirale barik, eta haurrei udalekuetarako deia egiteaz bat Udala begirale bila jarri da. Begirale lanak egiteko eta begiraleak prestatzeko jendea behar dute. Begirale izateko honako ezaugarriak hartuko dira kontuan: begirale titulua izatea, EGA izatea, umeekin esperientzia izatea eta Aramaiokoa izatea. Begirale guztiek, bestalde, derrigorrezkoa den formazio berezia jasoko dute maiatzaren 28an. 17 urte baino gehiago izatea da ezinbesteko baldintza bakarra eta soldata 240 eurokoa izango da.
Izena emateko Ana Muñoarengana jo –945 44 53 74–, maiatzaren 6a baino lehen.