Goizean zabaldu dute Aramaion Txema Finez heziketa zentroa. Jaurlaritzako eta Aldundiko hainbat ordezkari izan dira ekitaldian, tartean Idoia Mendia Eusko Jaurlaritzako bozeramailea. Zentro hauen helburua errespetuan oinarritutako elkarbizitza bultzatu eta arazoak izan dituzten gazteei beste aukera bat ematea dela adierazi du agerraldian. Bisita gidatua egin dute zentroak dituen gela eta instalazio ezberdinak ezagutzeko.
Datorren astelehenean jarriko dute martxan zentroa, egun horretatik aurrera helduko dira gazteak. Delitua 14 eta 18 urteen artean egin dituztenak izango dira Aramaioko zentroan; batazbesteko adina 16 urtekoa izango da. Mutilendako dago zuzenduta eta denetariko ekintzak egiteko aukera izango dute. Erregimen zabaliko edo erdi zabaliko egoeran sartuko dira, hots, kasurik txarrenean ere inguruetara irteteko aukera izango dute. Zentroa egitea ia hiru milioi euro kosta zaio Jaurlaritzari.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.