Esandako moduan, bi gune egokituko dituzte. Hasteko, Sastiñan eta 18:30ean hasita, Bizente Goikoetxea eta Papargorri abesbatzen saioa egongo da. Eta gero, Herriko plazan, 19:00etatik aurrera, dantza eta musika izango dira nagusi. Jatekorik eta edatekorik ez da faltako: Oilogor ehiza eta arrantza taldearen eskutik basurde pintxoak dastatzeko aukera egongo da; ardo onarekin nahasteko jaki ezin hobea.
Bestalde, goiko tabernen eta Kultur etxearen inguruan bertsolariak egongo dira, 20:00ak aldera txistularien konpainiaz plazatik etorriko den kalejiraren ostean. Antolatzaileek ezin izan dute aurreratu zeintzuk izango diren bertsolariak, baina guztiak Aramaiokoak izango direla ziurtatu dute. Izan ere, harrobia badago.