Otsailaren 16an egindako bilera irekian, A-2620 errepide mozketaren ondorioz Udalak aurkeztu zituen ondare erantzukizunari buruzko erreklamazioen berri eman zitzaien aramaioarrei. Eta herritarrek jasandako kalteengatik bakoitzak egin zezakeen erreklamazioei buruzko argibideak ere eman ziren. Horren ostean, bilerara etorritako herritarren eskaera aintzat hartuta, Udalaren webgunean erreklamazioak egiteko irizpideak eta erreklamazio eredu bat jarri ziren, gura izanez gero erabiltzeko. Bada, orain erreklamazioa ADIFera eta Sustapen Ministeriora bidaltzea aholkatzen du Udalak.