Gaur bertan hasiko dira egitarauarekin. Musika izango da protagonista, Aramaioko Bea Asurmendi musikariaren eskutik. Haren gitarrak eta ahots gozoak kontzertu akustikoa eskainiko dute, Sastinan (18:30). Gero, luncha egongo da. Bihar Caramel izenburu duen pelikula izango da ikusgai Kultur etxean (18:30).
Bingo-afarian izena emateko, gaur azken eguna
Eguenean, hilak 10, hitzaldia izango da Kultur etxean (18:30). Eider Elizegi biologo eta mendizaleak Vagamontañas izenburu duen hitzaldia emango du. Egubakoitzean, bestalde, urteroko bingo-afaria egingo dute eskolako jangelan. Gaur da izena emateko azken eguna: 670 431 662 telefonora deitu behar da (Ana). Bingoa 19:30ean hasiko da eta afaria, berriz, 21:00etan. 20 euro inguru ordaindu beharko da afaria. Iaz 50 bat emakume batu ziren, giro paregabean.
Emakume astea antzezlan batekin amaituko dute; Ane Diosdado antzezlearen Olvida los tambores obrarekin. Kultur etxean da, 22:00etatik aurrera.