Bazkalostean, 17:00ak aldera, mozorroak herri osoari erakusteko kalejira egingo dute, herriko trikitilarien laguntzaz. Gero, 18:00etan, mozorro lehiaketa egingo dute 2011ko mozorro onenak zeintzuk izan diren erabakitzeko. Lehiaketaren ostean txokolatada eta haur dantzaldia egongo da eta azkenik, egunarekin amaitzeko, kale animazioa izango da nagusi Tolosako Jainekin txarangaren eskutik.
Mozorro lehiaketa
Aurten ere ez du hutsik egingo Udalak antolatu eta Itur Zuri emakume taldeak eta Alaiak erretiratu elkarteak laguntzen duten mozorro lehiaketak. Gaur, otsailak 28, da izena emateko azken eguna, liburutegian. Sariak honakoak izango dira: gutxienez lau pertsonaz osatutako talde mozorrotu onenak, 14 urtetik behera eta 14 urtetik gorako taldetan ezberdinduta, 90 euro irabaziko ditu. Bigarren saria, berriz, 36 eurokoa izango da. Originaltasunaren saria, banaka zein taldeka, 48 eurokoa izango da lehenarendako eta 30 eurokoa bigarrenarendako. Irabazleak zapatuan jakinaraziko dituzte, 18:00etan.