Joan zen urtarrilaren amaieran bete zen urtebete euri jasa etengabeek eragindako luizi baten ondorioz Arrasate eta Aramaio arteko errepidea itxi zutela. Harrezkero, Untzilla-Zabola-Ibarra kaminoa erabili behar da Gipuzkoatik Aramaiora joateko. Zabolan gertatu den ezbehar honen ondorioz, berez zailak diren trafiko arazoak areagotu egin dira orain. Aramaiotik Arrasatera joateko bidea itxita dago eta bidea konpontzen ibili dira azken hilabeteotan. Datorren astelehenean, hilak 28, irekiko dutela agindu dute Arabako Foru Aldunditik eta Aramaio inguruan Abiadura Handiko Trena egiteko lanen ardura daukan Adif erakundeak.
15:25 inguruan gertatu da lur-jausia, Arabako minoiek jakinarazi digutenez, segur aski euriaren ondorioz. Errepidearen errail bat hartzen du lurrak eta lekukoen esanetan, auto bat justu-justu pasatzeko lekua dago. Aramaiotik Arrasaterako norabidea duen erraila da lurrak hartu duena (A-3920 errepidea A-4021 errepidearekin gurutzatzen den puntuan). Horren ondorioz, txandaka ari dira autoei pasoa ematen. Diputazioko langileak dagoeneko lur-jausia gertatu den lekuan daude eta tekniko bat ere bertatratu du gertatutakoa argitzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak