Egun saihesbide ondotik hasten da bidea, eta Udala konturatu zen bidearen nondik norakoak ez daudela behar bezala zehaztuta. Hau da, inon ez da jasotzen bidea hor dagoenik eta ezta non hasi eta non bukatzen den ere. 600 metro inguru ditu bideak, tartean dago Sorrin-zubi deritzon zubia. Bide zahar horrek balio handia duela uste du Udalak. Bestalde, bidea zehaztu barik egoteaz gain, duela gutxi konturatu ziren bidea inguratzen dituen lurrak norenak diren ere ez dela zehazten.
Baserritarren iritziaren zain
Udalak espediente bat zabaldu du ibilbidea zehazteko eta astelehenean egindako ezohiko plenoan onartu zen dokumentua, aho batez.
Orain baserritarren iritziaren zain daude, espedientearekin ados dauden edo ez jakiteko. Epe legal bat emango diote baserritarrei euren iritzia emateko eta bestela espedienteak zehaztutako moduan katalogatuko dute Ibarratik Azkoagarako bide zaharra.