Honakoa izan zen Patxi Aizpurua, Mikel Fernandez de Arroiabe eta Hodei Lopez de Arkaute epaileek eman zuten puntuazioa: Oihane Perea (158 puntu), Xabier Igoa (142,5 p.), Rikardo Gonzalez de Durana (139 p.), Alberto Martinez “Betto” (134 p.), Ainhoa Comas (132 p.) eta Bingen Sainz (113,5 p.). Azken bi bertsolariek debuta egin zuten txapelketan eta puntuazio baxuenak izan arren, antolatzaileek jakinarazi dute "ondo" ibili zirela.
Beraz, Pereak lortu du finalerdietarako lehen pasea, eta gainontzekoek beste lau kanporaketetako puntuazioei itxaron beharko diote pasatzen diren edo ez jakiteko, Xabier Igoa aramaioarra dago horien artean. Hurrengo bi kanporaketak datorren asteburuan jokatuko dira, egubakoitzean Oionen eta zapatuan Ilarduian. Oionen Aramaioko ordezkaritza izango dugu beste behin: Andere Arriolabengoa eta Iker Agirrek hartuko dute parte. Zorte on!