Bestalde, gaur erabiltzen diren baserri-kaminoak, Suñara doana esaterako, konpontzeko konpromisoa hartu du ADIFek. Hala eman dute aditzera Arabako diputazioko iturriek.
Urtebete pasa itxita
Joan den urtarrilaren 30ean bete zen urtebete, luiziaren ondorioz, Aramaiotik Arrasatera arteko errepidea itxi egin behar izan zutela. Ordutik, auzoetako bideetatik ibili behar izan da Aramaio eta Debagoiena arteko joan-etorrian.
Itxita egon den errepide zatian, errekaren beste aldera eraman dute bidea, erreka gaineko zubi gisa bi plataforma jarrita. Azken egunotan, asfaltoa botatzen ibili dira
Kalte ordainetarako batzarra
Bestalde, errepide mozketaren ondorioz, kalte ordainen erreklamazioak jasotzeko bilera egingo dute Aramaioko udaletxean batzarra. Bertan izango dira Aramaioko Udal ordezkariak eta beste bi abokatu. Erreklamazioak aurkeztu nahi dituzten aramaioar orori dago deialdia eginda.