Aste bukaera esanguratsua izan da Arabako bertsolaritzarendako. 2011ko txapelketa aurkeztu dute eta zapatuan Gasteizko Armentia sagardotegian egin zuten Txanpinoien Saioa. Asier Lafuente Arabako Bertsozale elkarteko prentsa arduradunak horrela azaldu zuen Aramaioko taldearen eta txapelketako bakarkako irabazleen arteko desafio hura: "Guztiak irabazle, giro onean joan zen lagun arteko desafioan".
Txapelketari dagokionez, Gasteizen aurkeztu zuten 2011ko edizioa. Prentsaurrekoaren ostean, talde argazkia atera zuten aurten protagonistak izango diren bertsolari eta gai-jartzaileetako batzuk. Horra kanporaketen egutegia:
• Aurkezpena
Otsailak 5, larunbata, GASTEIZ, Amaia Zentroan, 10:00etan
• Kanporaketak:
Otsailak 12, larunbata, LAUDIO, Basalarrina Elkartean, 20:30ean
Otsailak 18, ostirala, OION, Azkenak Elkartean, 20:30ean
Otsailak 19, larunbata, ILARDUIA, Herriko Elkartean, 20:30ean
Otsailak 25, ostirala, ATAURI, Antzinako Eskoletan, 20:30ean
Otsailak 26, larunbata, ELOSU, Txoko Handian, 20:30ean
• Finalerdiak:
Martxoak 12, Igandea, ZIGOITIA, Zigoitiko Kultur Zentroan, 17:30ean
Martxoak 19, Larunbata, ARAMAIO, Kultur Etxean, , 17:30ean
Martxoak 20, Igandea, AGURAIN, Harresi Aretoan, 17:30ean
• Finala:
Apirilak 2, larunbata GASTEIZ, Printzipal Antzerkian, 17:30ean